झापा । जंगली हात्तीले आक्रमण गर्दा शनिबार झापामा बुबाछोरा घाइते भएका छन्।घाइते हुनेमा हल्दिबारी गाउँपालिका- २ का ४९ वर्षीय कारसिंह र उनका ५ वर्षीय छोरा नरेन्द्र राजवंशी छन् । नाबालक छोरा बुबा नरेन्द्रसँगै घुम्न घर बाहिर निस्केका थिए।

बिहान करिब साढे ४ तिर मर्निङ वाक निस्केका बुबाछोराको हात्तीसँग जम्काभेट भएको थियो । उनीहरूलाई हात्तीले खेदाएर आक्रमण गरेको झापा प्रहरीले जनाएको छ।

उनीहरूको स्वास्थ्य अवस्था सामान्य छ। उनीहरूको मेची प्रादेशिक अस्पताल भद्रपुरमा उपचार भइरहेको प्रहरीले जनाइएको छ । जलथल जंगलबाट निस्केका हात्तीले एउटा पसलमा समेत क्षति पुर्‍याएको जनाइएको छ।