इटहरी । सुनसरीकाे श्रीलंकाटापुबाट नेपाली सेनाकाे गस्ती टाेलीले चित्तलकाे मासु सहित आठ जनालाई पक्राउ गरेकाे छ । बुधबार काेशिटप्पु वन्यजन्तु आरक्ष सुरक्षार्थ तैनाथ नेपाली सेना र निकुञ्जका कर्मचारीसहितको संयुक्त गस्ती टोलीले श्रीलंकाकाे भागलपुरबाट एक जनालाइ चित्तलकाे मासु सहित पक्राउ गरेकाे थियाे ।

पक्राउ परेका उनीमाथी साेधपुछ गर्दा अन्यकाे पनि संलग्नता रहेकाे खुलेकाे थियाे । सुचना पाए लगत्तै सेना सहितकाे संयुक्त टाेलीले स्थानीयकाे घरघरमा पुगेर बाकि ७ जनालाइ नियन्त्रणमा लिएकाे थियाे ।

पक्राउ परेका ७ जनाकाे साथबाट ६३ किलो जंगली जनावरको मासु, दुई वटा भरूवा बन्दुक नाल, एक प्याकेट टिका बारूद प्याकेट, एउटा खुँडा, चार वटा खुकुरी पनि बरामद गरेको छ । पक्राउ परेका ८ जनाकाे नाम भने सेनाले गाेप्य राखेकाे छ । उनीहरूमाथि थप अनुसन्धान गर्न कोशीटप्पु वन्यजन्तु आरक्ष कार्यालयमा बुझाएको जंगी अड्डाले जनाएको छ।