खोटाङ । खोटाङको ऐँसेलुखर्कका १८ घरपरिवार पहिरोको उच्च जोखिममा परेका छन् । ऐँसेलुखर्क गाउँपालिका–४ जलेश्वरीका अधिराज राई, चन्द्रबहादुर राई, रुद्रबहादुर राई, ललितकुमार राई लगायतको परिवार उच्च जोखिममा परेको हो । जोखिममा परेकाको घरनजिकै पहिरो गएको छ । 

निरन्तरको वर्षापछि शनिबार राति खसेको पहिरो घरदेखि लगभग ६० मिटर मात्रै टाढा छ । प्रहरीका अनुसार पहिरोले जनकल्याण आधारभूत विद्यालय पनि जोखिममा परेको छ । खेल मैदाननजिक पहिरो झरेको छ । 

पहिरोले दिप्दीमावा–माझगाउँ–देल्बाया सडकको करीब दुई सय मिटर बगाएको प्रदेश १ प्रहरी कार्यालय विराटनगरले जनाएको छ । केही मुनिबाट अर्को पहिरो झरेको छ । जसका कारण माझगाउँ पनि जोखिममा रहेको प्रहरीले जनाएको छ ।