इटहरी । विराटनगरमा कोरोना संक्रमणबाट एक पुरुषको मृत्यु भएको छ । जिल्ला कारागार मोरङमा कोरोना संक्रमण फैलिएपछि बिहीबार उपचारका लागि कोशी अस्पताल पुराईएका निरबहादुर नेपालीको मृत्यु भएको हो।

कारागारमा बिहीबार अत्यधिक ज्वरो आएपछि कोसी अस्पतालमा भर्ना गरिएकामध्ये सुन्दरहरैँचा नगरपालिका-४ का ३९ वर्षीय नेपालीको मृत्यु भएको हो।नेपाली ज्यान मार्ने उद्योग मुद्दामा कैद सजाय भुक्तान गरिरहेका थिए। उनलाई १०४ डिग्री ज्वरो आएको थियो । उनको शव बुझेर आफन्तले लगिसकेको बताईएको छ।

अत्याधिक ज्वरो आएपछि कारागारका १९ जना कैदीलाई उपचारका लागि बिहीबार अस्पताल पुराईएको थियो। हाल अस्पतालमा १८ जना उपचाररत छन् । ती मध्ये १६ जनालाई एन्टिजेन पोजेटिभ देखिएको कोशी अस्पतालले जनाएको छ।अस्पतालका निमित्त मेडिकल सुपरिटेन्डेन्ट डा. यज्ञराज खरेलका अनुसार बिहीबार अस्पताल भर्ना भएका विरामीको एन्टिजेन परीक्षण गराउँदा शुक्रबार रिपोर्ट पोजेटिभ जानकारी दिए ।