एजेन्सी ।  भारत उत्तराखण्डको उत्तरकाशीमा आइतबार साँझ तिर्थयात्री बोकेको बस दुर्घटना हुँदा २३ जनाको मृत्यु भएको छ। मध्यप्रदेशबाट ३० तीर्थयात्रीलाई लिएर चारधाम यात्रामा निस्किएको बस उत्तरकाशीमा भीरबाट तल खसेको भारतीय सञ्चारमाध्यमले जनाएका छन् ।

भारतको पत्रिका दैनिक भास्करका अनुसार दुर्घटनामा ६ जना गम्भीर घाइते भएका छन्। युके ०४ १५४१ नम्बरको बस हरिद्वारबाट उत्तरकाशीतर्फ गइरहेको थियो। उत्तरकाशीका प्रहरी अधिकारी अशोक कुमारलाई उद्धृत गर्दै उक्त पत्रिकाले हालसम्म २३ जनाको शव फेला परेको जनाएको छ ।

साथै दुर्घटनामा घाइते भएकाहरुलाई अस्पताल पु¥याइएको छ। भीरमा बस खसेकाले शव संकलन तथा घाइतेको उद्धारमा कठिनाई भएको बताइएको छ।