इटहरी: मोरङको कटहरी गाउँपालिकाको अध्यक्षमा नेपाली काँग्रेसका देवराज चौधरी र उपाध्यक्षमा नेकपा एमालेका सीतादेवी राजवंशी निर्वाचित भएका छन् ।

चौधरी ६५६५ मत सहित गाउँपालिकाको अध्यक्षमा निर्वाचित भएका हुन् । उनका निकटतम प्रतिस्पर्धी नेकपा एमालेका उम्मेदवार सुवासकुमार सरदारले ५६८२ मत ल्याए । उनीहरुबीच ८८३ को अन्तर रह्यो ।

यस्तै उपाध्यक्षकी उम्मेदवार राजवंशी ५८४८ मत ल्याई विजयी भइन् । उनकी निकटतम प्रतिद्वन्द्वी नेपाली काँग्रेसकी मन्जिताकुमारी सरदारले ५७०५ मत प्राप्त गरिन् ।

यस्तै गाउँपालिकामा प्रमुख पदका लागि उम्मेदवारी दिएका अन्य दलका उम्मेदवारहरुमध्ये माओबादी केन्द्रका किशोरकुमार पाण्डेले ३५३७, जसपाका मृत्यूञ्जयकुमार झाले ११८२, राप्रपाका ओमप्रकाश वैश्वले ६९०, लोसपाका विनोदकुमार मण्डलले १०७, जनमत पार्टीका संजयकुमार यादवले ७७, विवेकशील साझा पार्टीका राजाबाबु ठाकुरले ३० र स्वतन्त्र उम्मेदवार सोहनप्रसाद भगतले १४ मत पाए ।