इटहरीः सुनसरीको धरान उपमहानगरपालिका ७ को वडाध्यक्षमा नेकपा एमालेका उम्मेदवार जीवन सुवेदी निर्वाचित भएका छन् ।

६७९ मत प्राप्त गरी उनी वडाध्यक्षमा निर्वाचित भएका हुन् । उनका निकटतम प्रतिद्वन्द्वी सुवर्णमोहन पलिखेले ५७२ मत मात्र पाए । दुवै उम्मेदवारबीच १०७ मतको अन्तर रह्यो । २०७४ को निर्वाचनबाट पनि सुवेदी नै वडाध्यक्ष चुनिएका थिए । दुई जना वडा सदस्य भने काँग्रेसबाट विजयी भएका छन् ।

यसैगरि, वडा सदस्यमा एमालेबाट खुला सदस्यमा राजेश मोक्तान ५९३ मत ल्याएर विजयी भएका छन् भने दलित महिला सदस्यमा डे कुमारी विश्वकर्मा ६२४ मत ल्याएर विजयी भएकी छन् । महिला वडा सदस्यमा भने नेपाली काँग्रेसकी रमिता श्रेष्ठ ६२७ मत ल्याएर विजयी भइन् । यस्तै, खुला सदस्यतर्फ काँग्रेसका सुमिर बम्जन ६ सय मत ल्याएर विजयी भएका छन् । वडा नं ७ मा २१४६ मतदाता रहेकोमा १४५० मत खसेको थियो ।