इटहरीः संखुवासभाको खाँदबारी नगरपालिका प्रमुखमा गठबन्धनका तर्फबाट नेपाली कांग्रेसका महेश थपलिया विजयी भएका छन् । थपलियाले ८ हजार ३४ मत ल्याउँदै विजयी भएका हुन् ।

उनका निकतम प्रतिद्वन्द्वी नेकपा एमालेका जितबहादुर घिमिरेले ५ हजार ५ सय ८९ मत ल्याएका छन् ।

उपप्रमखमा नेकपा एमालेकी महेश्वरा बज्राचार्य विजयी भएकी छन् । उपप्रमुख बज्राचार्यले ६ हजार ३ सय ८५ मत ल्याएर विजयी भएकी छन् । उनका निकटम प्रतिद्वन्द्वी गठबन्धन तर्फबाट माओवादी केन्द्रका दिब्यराज बरालले ५ हजार १ सय ४७ मत ल्याएका छन् ।

खाँदबारीमा वडा नम्बर १,७,८,११ काँग्रेसले जितेको छ । वडा २,३,४,५,९ र १० नेकपा एमालले जितेको छ । वडा नम्बर ६ मा माओवादीले जितेको निर्वाचन कार्यालय खाँदबारीले जनाएको छ ।