इटहरीः लोकतान्त्रीक बाम गठबन्धनबाट इटहरी उपमहानगरको उपमेयरका उम्मेदवार केशव कुमार विष्टले जातिय विभेद विरुद्ध नेकपा एस निर्मम ढंगले उभिने बताएका छन् ।

इटहरी ५ मा मंगलबार दलित मुक्ती सङठनको अगुवाइमा भएको उम्मेदवार भेटघाट कार्यक्रममा बोल्दै उपमेयरका उम्मेदवार नेकपा एकीकृत समाजवादीका नेता केशव कुमार विष्टले कार्यकर्ताले जातिय विभेद गरे पार्टीबाट तुरुन्तै कारवाही गर्ने बताएका हुन् ।

इटहरी उपमहानगरपालिका भित्र रहेका दलित बर्गको समस्यामा केन्द्रीत भएर दलित नेताहरुले लोकतान्त्रिक गठबन्धनका नेताहरुसंग प्रतिबद्धता माग गरेका थिए ।

इटहरी ५ बाट उठेका उम्मेदवारहरुमा वडाअध्यक्ष जीवन न्यौपाने, पार्टी नेत्री बिमला ढकाल शिबाकोटी,नरनाथ सापकोटा ,दलित महिला सस्दस्य तारा शंकर , सीता परियार,यादब परियार ,हरी गजमेर,नारायण सिन्चुरी लगायतले चुनाबमा भोट दिदा रुख र कलम चिन्हमा नछुटाउन दलितहरु सचेत रहेको बताएका थिए । ५ न वडाको जनता बस्तीका अधिकांश दलित समुदायले लोकतान्त्रीक गठबन्धनलाई जिताउने तयारी अभियानमा रहेको पार्टी नेता कृष्ण नेपालले बताए ।

नेकपा एसका पार्टी नेता कृष्ण शर्मा,सुस्मिता तिम्सिना लगायतको सहभागितामा भएको कार्यक्रम नेकपा एस सुनसरीको दलित फाँट इन्चार्ज पिवि दियालीको सभापतित्वमा सम्पन्न भएको थियो ।