इटहरीः इटहरी उपमहानगरपालिका वडा नं. १ मा गठबन्धनको तर्फबाट नेपाली कांग्रेसका वडाध्यक्षका उम्मेदवार रतन कार्की (कैलाश) ले आफू सबै जनताको मनमा बसेकाले चुनाव जित्ने दाबी गरेका छन् ।

०७४ सालमा भएको स्थानीय तहको निर्वाचनमा इटहरी १ मा वडासदस्यमा निर्वाचित भएका कार्कीले यसअघि कार्यबाहक वडाध्यक्ष समेत चलाइसकेका छन् । अनुभवले निखारिएका कार्कीले यस क्षेत्रमा भएका जनताका समस्या प्रत्यक्ष नियालेको बताउँछन् ।

कतिपय उम्मेदवारहरूले भने आफूले चुनाव जितेको अवस्थामा सडक बनाउने, जनताका समस्या समाधान गर्ने, भौतिक विकास गर्ने एजेन्डा उठाउँछन् । तर, यसभन्दा भिन्न रहेर कार्कीले सेवा प्रवाह गर्ने बताउँछन् ।

उनले वडाबाट हुने सेवासुविधामा छिटो, चुस्त, दुरुस्त र मुस्कानसहितको सेवा प्रवाहलाई मुख्य प्राथमिकतामा राखेको बताए ।