भिजिट भिसामा खाडी जान लागेका १ सय ९७ लाई विमानस्थलबाट फर्काइयो
- भाद्र १२, २०७९ मा प्रकाशित
काठमाडाैं । त्रिभुवन अन्तरराष्ट्रिय विमानस्थलबाट भिजिट भिसामा खाडी मुलुक जान लागेका १ सय ९७ जनालाई फर्काइएको छ । नक्कली कागजातका आधारमा खाडी मुलुक जान खोजेको आशंकामा उनीहरुलाई फर्काइएको विमानस्थल सुरक्षा कार्यालयले जनाएको छ । बुधबारदेखि शनिबारसम्म चलाइएको अपरेशनका क्रममा उनीहरुलाई फर्काइएको हो ।
कार्यालय प्रमुख डीआईजी श्यामलाल ज्ञवालीका अनुसार विभिन्न एयरलाइन्समार्फत भिजिट भिसामा जान लागेका व्यक्तिहरु शंकास्पद लागेपछि सोधपुछ गरिएकोे थियो । जसमा विस्तृत अनुसन्धान आवश्यक देखिएपछि मानव बेचबिखन अनुसन्धान ब्यूरो बबरमहल बुझाइएको ज्ञवालीले बताए ।
उनीहरुलाई विमानस्थलको प्रस्थान क्षेत्रमा चेकजाँच गर्दा हवाई अनुमतिका लागि आवश्यक कागजातहरु शंकास्पद देखिएको थियो । यसरी विमानस्थलबाट फर्काइएका मध्ये १ सय ३ जना महिला र ९४ जना पुरुष छन् ।
भिजिट भिसामा खाडी मुलुक गएका नागरिकहरु अलपत्र पर्न थालेपछि गृह मन्त्रालयका सह–सचिव फणिन्द्रमणि पोखरेलको नेतृत्वमा कार्यदल बनाएर जाँचबुझ गरेको थियो ।
त्यसको सिफारिस अनुसार भिजिट भिसा सम्बन्धी मापदण्डलाई कडाइ गर्दै भिजिट भिसामा पठाउन सक्रिय व्यक्ति तथा संस्थाहरुको गतिविधिलाई निगरानीमा राख्नुपर्ने निष्कर्ष निकालेको थियो ।भिजिट भिसामा आफन्तबाहेक जाँदा कम्तिमा १० लाख आय हुनुपर्ने पनि भनिएको थियो ।
त्यसको ५० प्रतिशत बैंकमा मौज्दात हुनुपर्ने भनिएको थियो । विदेशमा आफन्तले बोलाउँदा वा भिजिट भिसा प्रयोजनमा भट्न जाने विषयलाई श्रीमान श्रीमती, बाबुआमा, दाजुभाइ, सासुससुरा र छोराछोरीमा मात्र सीमित गरिएको थियो ।नागरिकताबाट नाता खुल्नेको हकमा प्रमाणीकरण आवश्यक नपर्ने पनि भनिएको छ ।
नाता प्रमाणित आवश्यक पर्ने हकमा स्थानीय तहका प्रमुख प्रशासकीय अधिकृतबाट प्रमाणित भएको र त्यसको प्रति सम्बन्धित स्थानीय तहले अध्यागमन कार्यालयबाट हेर्नसक्ने गरी सूचना प्रणालीमा अपलोड गरेको हुनुपर्ने भनिएको थियो । तर यस्ता कागजातहरु नै कीर्ते गरेर भिजिट भिसामा पठाउने गरिएको आशंका छ ।
सम्बन्धित खवर
-
ताजा जेष्ठ ५, २०८१Более 17 000 Бесплатных Игр Онлайн-казино Гур
-
ताजा जेष्ठ ५, २०८१
Pin Up Casino Azerbaycan Yukle Apk & əlan Government College Of Engineering Söz Leather Technology -
ताजा जेष्ठ ५, २०८१
Pin Up Casino Azərbaycan üçün Imkanlarını Təqdim Edir สมัครเล่นไฮโลออนไลน์ผ่านมือถือ -
ताजा जेष्ठ ५, २०८१
Qeydiyyat, Bonuslar, Yukle, Depozit -
ताजा जेष्ठ ५, २०८१
Rəsmi Veb Saytı Bağlayın️ Iti Ödənişlər, Gündəlik Bonuslar, ümumən Bunlar Sizi Pin Up Casinoda Gözləyir
Comments