इटहरी । धरानका मेयर हर्क साम्पाङले विदेशले सम्मान गरे पनि आफूलाई सरकारले सधैँ अपमान गरिरहेको गुनासो गरेका छन् । आफ्नो श्रम अभियानलाई गैरकानुनी भन्दै मुद्दामाथि मुद्दा थोपरिरहे पनि आफूले कहिल्यै हरेस नखाएको उनले सामाजिक सञ्जालमा लेखेका छन् ।
‘वर्ल्ड बुक अफ रेकर्ड लण्डनले मलाई र मेरो अभियानलाई चिन्यो सम्मान गर्यो,’ उनले सामाजिक सञ्जालमा लेखेका छन्, ‘तर मेरो देशको सरकारले मलाई सधैँ अपमान गरिरह्यो, मेरो अभियानलाई गैरकानुनी भन्दै मुद्दा माथि मुद्दा थोपरिरह्यो ।’
उनले यस्तो अवस्थामा पनि आफूले कहिल्यै नथालेको र कहिल्यै नगलेको बताएका छन् । ‘तर मैले कहिल्यै थाकें गलें भनिनँ ! हरेस खाइनँ ! अविचलित बनी सबैलाई जुट्ने आह्वान गरिनै रहें !,’ उनी लेख्छन्, ‘अब मेरो श्रम र श्रमदानको अभियान यो देशको केन्द्रीय नीतिमा लेख्न जाँदैछु ! मलाई साथ दिनोस् ! देश चाहिन्छ भन्ने जति जुटौं !’
Discussion about this post