इटहरीः झापाको मेचीनगर नगरपालिका–६ बाट प्रतिबन्धित लागुऔषध ब्राउनसुगरसहित १ जनालाई प्रहरीले पक्राउ गरेको छ ।

पक्राउ पर्नेमा पाख्रिबास नगरपालिका–३ धनकुटाका ३३ वर्षीय विनोद घिमिरे रहेको १ नम्बर प्रदेश प्रहरी कार्यालय विराटनगरले जनाएको छ । आज दिउँसो १ः३० बजे इलाका प्रहरी कार्यालय काँकरभिट्टा र लागुऔषध नियन्त्रण ब्युरो काँकरभिट्टाबाट खटिएको संयुक्त टोलीले मेचीपुल छेउमा भारतबाट नेपालतर्फ पैदल आउँदै गरेका घिमिरेउपर शंका लागी जाँच गर्दा निजको साथबाट २३ ग्राम ब्राउनसुगर बरामद गरेको हो ।

प्रतिबन्धित लागुऔषध ब्राउनसुगरसहित पक्राउ परेका घिमिरेउपर इलाका प्रहरी कार्यालय काँकरभिट्टाबाट थप अनुसन्धान भइरहेको प्रहरीले जनाएको छ ।