इटहरीः मोरङको केराबारी गाउँपालिका–७ मुगु टोलबाट ठूलो परिणामको लागूऔषध गाँजासहित १ जनालाई प्रहरीले पक्राउ गरेको छ ।

हिजो दिउँसो ३ः४५ बजे केराबारीको भित्री सडकखण्डमा पश्चिमबाट पूर्वतर्फ जाँदै गरेको को २३ प ३८६१ नम्बरको मोटरसाइकललाई चेकजाँच गर्ने क्रममा मोटरसाइकलको पछाडि बाँधेर राखिएको जेब्रा झोलामा ६५ किलो गाँजा बरामद भएको थियो । गाँजा बरामद भएसँगै उक्त मोटरसाइकलका चालक शहीदभूमि गाँउपालिका–१ का ३१ वर्षीय दीपेश राईलाई समेत नियन्त्रणमा लिई थप अनुसन्धान भइरहेको इलाका प्रहरी कार्यालय बेलबारीले जनाएको छ ।