इटहरीः झापाको मेचीनगर नगरपालिका–७ स्थित राजमार्गमा मोटरसाइकलको ठक्करबाट १ जनाको मृत्यु, भएको छ भने १ जना घाइते भएका छन् ।

गएराति ७ः४५ बजे पैदलयात्री मेचीनगर–८ का १९ वर्षीय श्याम मगर र १७ वर्षीय बलबहादुर मगरलाई मे.१०प २२३२ नम्बरको मोटरसाइकलले ठक्कर दिँदा घाइते भएका दुवै जनाको बीएन्डसी अस्पताल बिर्तामोडमा उपचार भइरहेकोमा उपचारको क्रममा श्याम मगरको मृत्यु भएको १ नम्बर प्रदेश ट्राफिक प्रहरी कार्यालय इटहरीले जनाएको छ ।

ठक्कर दिने मोटरसाइकल र चालक मेचीनगर–१० का अभिजित सिटौलालाई इलाका प्रहरी कार्यालय काकरभिट्टाले नियन्त्रणमा लिई थप अनुसन्धान गरिरहेको प्रहरीले जनाएको छ ।