इटहरी । इटहरीका मेयर हेमकर्ण पौडेलले शुक्रबार बिहान आफ्नो सामाजिक सञ्जाल फेशबुक मार्फत पत्रकारलाइ कटाक्ष गर्दै दिएको प्रतिक्रीयाबारे नेपाल पत्रकार महासंघ सुनसरीले आपत्ती प्रकट गरेको छ । महासंघ सुनसरीले शुक्रबार साझ बिज्ञप्ति जारी गर्दै मेयर पौडेलले लेखेको स्टाटसबारे ध्यानाकर्षण भएको जनाएको छ । मेयर पौडेलले शुक्रबार बिहान इटहरीको पत्रकारिता जगतलाइ नै होच्याउने ढंगबाट स्टाटस राखेपछि सर्वत्र चर्चा र विवाद हुदै आएको छ ।
मेयर पौडेलले “भोलि कुन बिषयमा समचार आउछ अधिल्लो दिन हामि लाइ थाहा हुन्छ ,पहिला हाम्रो सचिबालय मा पठाउछ्न ,केहि झर्दैन दानापानी अनि लाज ले प्रकाशन, प्रसारण गर्छ्न ,बिचित्र को पत्रकारिता छ इटहरी मा ” भनेर इटहरीको पत्रकार र पत्रकारिता जगतकै उपहास हुनेगरी स्टाटस राखेका छन ।
स्टाटस बारे इटहरीका अग्रज पत्रकारहरूले लेखिएका कुरालाइ व्यवहारमा पुस्टि गर्न चुनौती दिएका छन । अग्रज पत्रकार सुविद गुरागाइले सामाजिक सञ्जालमा लेख्ने भन्दा पनि पुस्टी गर्न चुनौती दिएका छन । त्यस्तै नेपाल पत्रकार महासंघ सुनसरीका अध्यक्ष सन्तोष काफ्लेले मेयर जस्तो गरिमामय पदमा बसेर सामाजिक सञ्जालभित्र अनाहक विषय उठान गर्न नसुहाउने तएक दिएका छन । लेखेको कुरालाइ पुस्टी गर्न उनले चुनौती पनि दिएका छन ।
साथै स्थानिय सरकार प्रमुखहरूबाट पटक पटक सञ्चार जगत र कार्यरत सञ्चारकर्मीहरूमाथी भइरहेको दुर्व्यवहारका घटनाप्रति दुख ब्यक्त गर्दै यस्ता गलतीहरू नदोहोर्याउन सुझाव दिएका छन ।
अग्रज पत्रकार पीवि दियालीले सामाजिक सञ्जालमा आएका अभिब्याक्तीको पुस्टी गर्न मेयर पौडेललाइ सुझाव दिएका छन । त्यस्तै अग्रज पत्रकार हिमाल दाहालले पनि समचार जस्तो कुरामा वार्गेनिङ गर्नु पत्रकार आचारसंहिता बिपरित रहेकोले नाम सार्वजनिक गरि कार्वाही गर्नुपर्ने अन्यथा मेयरले साृवजनिक रूपमे माफि माग्नुपृने सुझाव दिएका छन ।मेयर पौडेलले राखेको अभिब्याक्ती बिरूद्ध अधिकांस पत्रकारहरूले नाम सार्वजनिक गर्न माग गरेका छन । लेखिका कुराहरूलाइ व्यवहारमा उतार्न नसके मेयर पौडेलले सार्वजनिक रूपमै माफी माग्नुपर्ने पत्रकारहरूको सुझाव छ ।
Discussion about this post