•  २० माघ २०७९, शुक्रबार
  •  2:38:41 AM

चैत्र १९ गते देखि कन्ट्राेल इटहरी गाेल्डकप : बिजेतालाई नगद ७ लाख : दर्शकले प्याराफिटबाट हेर्न पाउने

- चैत्र १३, २०७८ मा प्रकाशित


Share This..

इटहरी । काेराेना संक्रमणका कारण बिगत ३ वर्ष देखि स्थकित भएकाे इटहरी गाेल्डकप आगामि चैत्र १९ गतेदेखि इटहरी रंगशालामा हुने भएकाे छ । बिगतकाे वर्षकाे तुलनामा याे वर्ष अलि फरक ढंगले इटहरी गाेल्डकपकाे सुरूवात हुने खेल सम्बन्धि जानकारी गराउने उद्येस्य सहित अायाेजित पत्रकार सम्मेलनमा जनाइएकाे छ ।

राष्ट्रिय जागृति क्ल्ब इटहरीले आगामि चैत्र १९ गते फुटबलकाे १२ औ संस्करण अन्तर्गत अन्तराष्ट्रिय आमन्त्रण कन्ट्राेल इटहरी गाेल्डकपकाे अायाेजना गर्ने भएकाे हाे । २६ गते सम्म चल्ने उक्त गाेल्डकपमा याे वर्ष २ वटा नयाँ टिमले सहभागिता जनाएका छन जसमा न्यु राेड टिम (NRT CLUB) काठमाण्डाै र एभिनियर फुटवल क्ल्ब क्यामरून रहेका छन ।

कन्ट्राेल लुब्रिकेन्स मुख्य प्रायाेजक रहेकाे प्रतियोगितामा नेपाल, भारत र एक क्यामरुनी सहित कुल ८ टोलीहरुको सहभागिता रहने भएका छन । जसमा आयोजक राष्ट्रिय जागृति क्लबसहित मनाङ मस्र्याङ्दी फुटबल क्लब, त्रिभुवन आर्मी फुटबल क्लब, झापा–११, मोरङ–११, न्युरोडटिम (एनआरटी), एभनिर एफसी, क्यामरुन र कञ्चनजंगा एफसी, भारत रहेका छन् ।

प्रतियोगिताको फाइनल खेल भने चैत्र २६ गतेका दिन हुने पनि आयोजकले जानकारी दियो । इटहरी–९, सुनसरी स्थित इटहरी रंगशालामा हुने प्रतियोगिताको विजेताले उपाधिसहित नगद ७ लाख हात पार्नेछ भने उपविजेताले ३ लाख ५० हजार प्राप्त गर्नेछ ।

त्यस्तै सर्वोत्कृष्ट खेलाडीलाई एक थान स्कुटी प्रदान गरिनेछ भने उदियमान खेलाडीले ४० इन्चको आकर्षक एलईडी टिभी हात पार्ने पनि पत्रकार सम्मेलनमा जानकारी गराइयो । त्यस्तै अन्य व्यक्तिगत विधातर्फका खेलाडीहरुलाई पनि पुरस्कारको व्यवस्था गरिएको आयोजकले जनाएको छ ।

Comments

सम्बन्धित खवर