इटहरी । इटहरीको पश्चिमलाइन स्थित एपेक्स अस्पतालको लापर्वाहिका कारण तरहरा बरगाछिका साडे ३ वर्षिय बालकको मृत्यु भएपछि उत्पन्न तनाब अन्तत ४ बुदे माैखिक सहमति संगै सकिएको छ ।प्रहरी प्रसाशन इटहरीका राजनीतिक दल , अस्पताल प्रसाशन र पिडित पक्षबिच बिहीबार राति ४ बुदे मौखिक सहमति पश्चात आन्दोलनका सबै कार्यक्रमहरू रोकिएका हुन ।

अस्पताल प्रसाशनले घटना प्रति दुख ब्यक्त गर्दै उच्च छानविन टोली गठन गरी दोषि उपर कार्वाहि गर्ने , पिडित परिवारलाइ तत्काल ५ लाख रकम र घाइतेलाइ ३५ हजार क्षतिपुर्ति दिने , आन्दोलन गरिरहेको समयमा पक्राउ परेका पिडित पक्षका चारैजनालाइ रिहा गरिने मौखिक सहमतिपछि आन्दोलनका सबै कार्यक्रमहरू रोकिएका हुन ।

पटक पटक वार्ता गर्ने भनिएपनि पिडित पक्षकाे अडानले सफल हुन सकेकाे थिएन । बिहीबार अवेर सम्म चलकाे वार्तामा पनि पिडित पक्षलाइ चित्त बुझाउन हम्मे हम्मे परेकाे थियाे । वार्ताको क्रममा अस्पताल प्रसाशनले एकहोरो पेल्न खोजेको पिडित पक्षको भनाइ छ । तर पिडित पक्षले कि अस्पताल बन्द हुनुपर्ने कि उपचारमा संलग्न डाक्टरलाइ निलम्बन गरि लाइसेन्स नै खारेज गर्नुपर्ने अडान कायमै राखेपछि बिहीबार साझ सम्म पनि सहमति जुटेको थिएन ।

यता अस्पताल सञ्चालक समितिका अध्यक्ष राजेन्द्र पोख्रेलले पिडितको मागलाइ मध्यनजर गर्दै सम्बन्धित निकायबाट उच्च छानविन आयोग गठन गरी दोषि उपर कार्वाहि गरिने बताए । यो संगै अस्पताल प्रसाशनको तर्फबाट मानविय सेवा वापत पिडित परिवारलाइ रू ५ लाख प्रदान गरिनुका साथै आन्दोलनको क्रममा घाइते बनेका मृतक बालककि आमालाइ उपचार खर्चबापत रू ३५ हजार प्रदान गरिने बताइएको छ ।

यता पिडित पक्षका अनुसार अहिले मौखिक रूपमा मात्र बुझाइएकोले यसैलाइ सहमति भयो भन्न नमिल्ने बताएका छन आइतबार पुनः अर्को वैठक बस्ने र कागजी रूपमा सबैको हस्ताक्षर सहितको पत्र आएपछि मात्र पुरा सहमति हुने बताइएको छ ।

अस्पतालमा बुधबार साझ वान्ता भएपछि उपचार गराउन ल्याइएका साडे ३ वर्षिय वालक सन्देश साहलाइ कार्यरत नर्सले ओभर डोज सुइ लगाइदिएपछि मृत्यु भएको आरोप सहित पिडित परिवारले बिहीबार पूर्व पश्चिम राजमार्ग अवरूद्ध बनाउदै आन्दोलनमा उत्रिएका थिए ।
मृतक बच्चाका बाबु नविन शाहले बालकको शव काखमा राखेर दिनभरी अस्पताल बिरूद्ध आन्दोलन चर्काएका थिए । जुन भिडियो तथा तस्विर सामाजिक सञ्जालहरूमा भाइरल बनिसकेको छ ।

आन्दोलनका कारण इटहरीको एपेक्स अस्पताल परिषर दिनभर तनावग्रस्त बनेको थियो ।यता ४ बुदे सहमति जुटे संगै पिडित पक्षले मृतक बाललको शुक्रबार हिन्दु परम्परा अनुसार अन्तिम संस्कार गर्ने जनाएको छ । आन्दोलन पश्चात उत्पन्न बिवाद साम्य बनेपनि अस्पताल भने सञ्चालनमा आएको छैन ।