
‘कोशी’ को विरोध गर्नेहरूलाई वार्तामा ल्याएर टुंग्याउनुपर्छ : इन्द्र आङ्बो
- चैत्र १०, २०७९ मा प्रकाशित

बिराटनगर । नेकपा माओवादी केन्द्र कोशी प्रदेश संसदीय दलका नेता इन्द्रबहादुर आङ्बोले प्रदेशको नामको विषयलाई लिएर आन्दोलनरत पक्षलाई वार्ताको माध्यमबाट टुंग्याउन सरकारसँग आग्रह गरेका छन् ।
माओवादी केन्द्र संसदीय दलको आज सञ्चारकर्मीसँग कुरा गर्दै नामकरण नहुँदा असन्तुष्टि देखिनु स्वाभाविक रहेको उनले बताए । संविधान पनि संशोधन हुने भएकाले प्रदेशको नाम परिवर्तन नहुने भन्ने नरहेको उनले बताए। भने,‘पहिचान पक्षधरको प्रदेशसभामा बाहुल्यता हुँदा भोलि पनि नाम परिवर्तन हुन सक्छ ।
संविधान जलाएका शक्तिहरू पनि अहिले संविधान मानेर नै आफ्नो मुद्दाहरू उठाइरहेको स्मरण गर्दै उनले आफ्ना मुद्दाहरूलाई शान्तिपूर्ण उठाउन आन्दोलनकारीलाई आग्रहसमेत गरेका छन् ।आन्दोलनरत पक्ष सँग छलफल गरेर बढ्न सरकारसँग आग्रह समेत गरेका छन् । यसअघि प्रदेश सरकारका मुख्यमन्त्री हिक्मत कुमार कार्कीले नामबारे छलफल समेत हुन नसक्ने चर्को अभिव्यक्ति दिएपछि आन्दोलन तातिएको थियो ।
आन्दोलनको क्रममा घाइते भएका पदम लिम्बूको निधन प्रति दुख व्यत्तः गर्दै आङ्बोले उनलाई सहिद घोषणा गरी परिवारलाई राहत प्रदान गर्न सरकारसँग माग गरेका छन् । चैत्र ५ गते विराटनगरमा भएको प्रदर्शनमा घाइते भएका लिम्बुको गए राति बीपी कोइराला स्वास्थ्य विज्ञान प्रतिष्ठानमा निधन भएको थियो ।
उनले कोशी प्रदेश सरकारलाई दिएको समर्थन तत्काल फिर्ता नलिने समेत बताएका छन् । नयाँ सरकार बनाउन अन्य सत्ता गठबन्धनका दलहरू लागि परी रहेका बेला आङवोले भने तत्काल हिकमत कुमार कार्की नेतृत्वको सरकारलाई दिएको समर्थन फिर्ता नलिने बताएका छन् ।

सम्बन्धित खवर
-
लोकप्रिय जेष्ठ १३, २०८०पाँच वर्षपछि प्रदर्शन हुँदै ‘नीरफूल’
-
लोकप्रिय जेष्ठ १३, २०८०देशका धेरै स्थानमा बर्षाको सम्भावना, तराईमा हावाहुरी चल्ने
-
लोकप्रिय जेष्ठ १३, २०८०दुर्गम गाउँ मासपुरमा पहिलो पटक स्वास्थ्य सेवा
-
लोकप्रिय जेष्ठ १३, २०८०प्रतिनिधि सभाको बैठक बस्दै, प्रधानमन्त्रीले जवाफ दिने कार्यसूची
-
लोकप्रिय जेष्ठ १३, २०८०विराटनगरमा आजदेखि अनिश्चितकालीन निषेधाज्ञा
-
ताजा जेष्ठ १४, २०८०विराटनगरमा निषेधित क्षेत्र तोड्ने ४५ बढी प्रदर्शनकारी पक्राउ
-
ताजा जेष्ठ १४, २०८०तमोरमा चिनियाँ कम्पनीलाई स्पष्टीकरण, तल्लो अरुणमा भारतीयसँग निर्माण सम्झौता तयारी
-
ताजा जेष्ठ १४, २०८०कोशी : भित्र प्रदेशसभा बैठक, बाहिर पहिचानवादीको आन्दोलन, दर्जनौँ घाइते
-
ताजा जेष्ठ १४, २०८०उपेन्द्र यादवसहित गौर हत्याकाण्डका अभियुक्तविरुद्ध आज सर्वोच्चमा मुद्दा हालिँदै
-
ताजा जेष्ठ १४, २०८०थानाभर्याङको सबस्टेसन निर्माण सुस्त, काम नसुधारे ठेक्का तोड्ने कुलमानको चेतावनी
Comments