इटहरी । लामो समयदेखि शैक्षिक तथा सामाजिक क्षेत्रमा विशेष योगदान पुर्याउदै आएका शिक्षासेवी तथा साहित्यकार, सम्पादक लेखनाथ घिमिरेलाई शुक्रबार नागरिक अभिनन्दन गरिएकाे छ । 

  लेखनाथ घिमिरे नागरिक अभिनन्दन मुल समारोह समीतिले बिशेष कार्यक्रमकाे आयाेजना गरि सामाजिक तथा शैक्षिक क्षेत्रमा उल्लेखनीय याेग्दान पुर्याएकाे भन्दै सम्मानस्वरूप रथाराेहण सहित उनलाई नागरिक अभिनन्दन गरिएकाे हाे ।  

   ७७ वर्ष पुगेकाे उनकाे जन्मदिनकै अवसर पारेर रथ यात्रा सहित नागरिक अभिनन्दन गरिएकाे समीतिका संयाेजक अनिल पाैडेलले बताए । घिमिरेलाइ उनकै उचाइ बराबरकाे ताम्र पत्रले अभिनन्दन गरिएकाे हाे । 

निर्वाचन आयोगका प्रमुख निर्वाचन आयुक्त दिनेशकुमार थपलियाले घिमिरेलाइ अभिनन्दन गरेका हुन । लेखनाथ घिमिरेलाइ इटहरी स्थित निज निवासबाट रथमा चढाएर नगर परिक्रमा गराइ कार्यक्रम स्थलसम्म पुर्याएर अभिनन्दन गरिएकाे थियाे । कार्यक्रममा प्रदेश १ का १४ वटै जिल्लाबाट, अन्य प्रदेशका २५ जिल्लाबाट र भारतको विभिन्न प्रदेशबाट उल्लेख्य संख्यामा मानिसहरूको सहभागिता रहेको थियो । 

उक्त कार्यक्रमको अवसर पारेर लेखनाथ घिमिरे अभिनन्दन ग्रन्थ ‘सार्थक जिन्दगी’ पनि सार्वजनिक गरिएको छ । उक्त ग्रन्थमा १ सय ३० भन्दा बढी लेखकहरूले घिमिरेबारे लेख लेखेका छन् । पुस्तक ५४२ पृष्ठको छ ।