बिराटनगरकाे अस्पतालबाट भागेका कैदी डेढ महिनापछि पक्राउ
- मंसिर ३, २०७९ मा प्रकाशित
सुन्दरहरैंचा । विराटनगरको अस्पतालबाट भागेका एक कैदी डेढ महिना पछि पक्राउ परेका छन् । विराटनगरको क्षयरोग उपचार केन्द्रबाट भागेका दुई मध्ये १ जना कैदी झापाको झापा गाउँपालिका–५ शरणामतिबाट पक्राउ परेका हुन् ।
उपचारका लागि विराटनगर महानगरपालिका–७ मा रहेको क्षयरोग उपचार केन्द्रमा भर्ना गरिएका झापा–५ का २८ वर्षीय राजकुमार हेमरम गत असोज १५ गते फरार बनेका थिए । क्षयरोग उपचार केन्द्रबाट फरार हेमरम पक्राउ परेका हुन् ।
गाउँ घरमै लुकिछिपी बसेको अवस्थामा बिहीबार पक्राउ गरिएको मोरङ प्रहरी प्रमुख एसपी शान्तिराज कोइरालाले जानकारी दिएका छन् । जबरजस्ती करणी मुद्दामा अदालतले हेमरनलाई १६ वर्ष कैद सजायको फैसला सुनाएको थियो ।
अदालतको फैसलापछि विराटनगरस्थित जिल्ला कारागार मोरङमा सजाय भुक्तान गरिरहेका थिए । उनलाई अदालतले २०७५ सालमा दोषी ठहर गर्दै कैदको फैसला सुनाएको थियो । हेमरम क्षयरोगका बिरामी थिए ।
लागुऔषध मुद्दा विचाराधीन रहेका झापा गाउँपालिका–३ का २८ वर्षीय मञ्जिल गुरुङ पनि हेमरमसँगै भागेका थिए । लागूऔषध मुद्दामा अदालतले २०७८ कात्तिक ५ गते पुर्पक्षका लागि कारागार चलान गरेका गुरुङलाई उपचारका लागि हेमरमसँगै क्षयरोग उपचार केन्द्रमा भर्ना गरिएको थियो । प्रहरीले गुरुङको खोजी तीव्र पारिएको जनाएको छ ।
सम्बन्धित खवर
-
ताजा चैत्र १५, २०८०किसानलाई प्रतिस्पर्धी बनाउन ‘गुरु किसान’ छनोट गर्दै रोङ गाउँपालिका
-
ताजा चैत्र १५, २०८०चितवनमा ट्राफिक चेक हुँदै गरेको बसमा माइक्राे ठाेकियाे : आठ यात्रु घाइते
-
ताजा चैत्र १५, २०८०यो वर्षको एसईई आजदेखि, पाँच लाख बढी विद्यार्थी परीक्षामा सहभागी हुँदै
-
ताजा चैत्र १५, २०८०बराहक्षेत्रमा कुम्भमेला : ३० लाख पर्यटक भित्र्याउने लक्ष्य
-
ताजा चैत्र १५, २०८०इटहरी गोल्डकप : त्रिभुवन आर्मी फाइनलमा
Comments