इटहरीमा प्रथम संस्करणको अन्तरविद्यालय इन्डोर क्रिकेट प्रतियोगिता हुने
- श्रावण १९, २०७९ मा प्रकाशित
इटहरी । इटहरीमा पहिलो पटक अन्तरविद्यालय इन्डोर क्रिकेट प्रतियोगिता हुने भएको छ । प्रथम संस्करणको क्रिकेट प्रतियोगिता साउन २२ देखि इटहरी रङ्गशालास्थित इन्डोर हलमा आयोजना हुनेछ ।इटहरी क्रिकेट एकेडेमीको आयोजना हुन गई रहेको प्रतियोगितामा सुनसरी जिल्लामा रहेका विद्यालयहरुले सहभागिता जनाउन पाउने छन् ।
प्रतियोगिताको मुख्य उद्देश्य सुनसरी जिल्लामा विद्यालय स्तरबाट नै खेलाडी उत्पादन गर्नु रहेको आयोजकले बताएको छ । प्रतियोगिताका उत्कृष्ट ३० विद्यार्थी खेलाडीहरुलाई आयोजक इटहरी क्रिकेट एकेडेमीले सम्बन्धित विद्यालय र इटहरी नगरपालिकासँग समन्वय गर्दै नियमित प्रशिक्षण गराउने बताएको छ ।
लिग आधारमा हुने प्रतियोगिताका विजेता टोलीले ट्रफीसहित प्रमाण–पत्र प्राप्त गर्नेछन् । हरेक टोलीले कम्तिमा तीन खेल खेल्न पाउने गरी प्रतियोगिताको ढाँचा निर्माण भईरहेको इटहरी क्रिकेट एकेडेमीका सचिव सिपी पौडेलले बताए ।
सुनसरी क्रिकेट सङ्घका अध्यक्ष समेत रहेका उनले यस्ता प्रतियोगिताले विद्यालय स्तरबाटै खेलाडी पहिचान र प्रशिक्षण गर्न सजिलो हुने भएकाले प्रतियोगिता सञ्चालन गर्ने तयारी गरेको बताएका छन् । १० ओभरमा खेलाइने प्रतियोगिताका हरेक टोलीमा आठ खेलाडी रहने छन् ।
सम्बन्धित खवर
-
ताजा चैत्र १५, २०८०किसानलाई प्रतिस्पर्धी बनाउन ‘गुरु किसान’ छनोट गर्दै रोङ गाउँपालिका
-
ताजा चैत्र १५, २०८०चितवनमा ट्राफिक चेक हुँदै गरेको बसमा माइक्राे ठाेकियाे : आठ यात्रु घाइते
-
ताजा चैत्र १५, २०८०यो वर्षको एसईई आजदेखि, पाँच लाख बढी विद्यार्थी परीक्षामा सहभागी हुँदै
-
ताजा चैत्र १५, २०८०बराहक्षेत्रमा कुम्भमेला : ३० लाख पर्यटक भित्र्याउने लक्ष्य
-
ताजा चैत्र १५, २०८०इटहरी गोल्डकप : त्रिभुवन आर्मी फाइनलमा
Comments